Leiðarvísir að fullkominni vefhönnun

Vefhönnunin þín sendir frá sér skilaboð um vefsvæðið þitt sem ná lengra en efnið þitt og þjónustan. Hún er leið til að miðla ýmsu um fyrirtækið: stíl þess, almennan tón og áherslur. Ef þú ert að leita að leiðbeiningum um vefhönnunina þína munu þessi ráð hjálpa þér að móta almenna áætlun fyrir verkefnið.

1. Hafðu hana einfalda en ekki leiðinlega. Hafðu hana einfalda fyrir viðskiptavininn. Það er afar mikilvægt að þeir mæti ekki strax flækjum þegar þeir fara inn á vefsvæðið þitt. Gerðu vefsvæðið auðvelt yfirferðar með því að velja hreina hönnun þar sem allt á sinn ákveðna stað og valkostir eru sýnilegir viðskiptavinum. Það þýðir þó ekki að þú þurfir að vera leiðinlegur. Þú getur notað eins marga liti og þú vilt, bætt við myndefni og skemmtilegum eiginleikum á síðuna, svo lengi sem það hefur ekki áhrif á hagnýta þætti vefsvæðisins.
2. Sérsníddu hana – settu myndir af notendum þínum eða starfsfólki á vefsvæðið til að gefa því persónulegan blæ. Við höfum séð að notendur kunna mjög vel að meta heiðarlega nálgun. Þeir vilja vita hverjir þeir eru að íhuga að eiga viðskipti við, auk þess sem það eykur traust á fyrirtækinu. Settu starfsfólkið þitt inn í myndina og notendur þína líka. Láttu alla vita hvernig það er að vinna með og fyrir fyrirtækið þitt.
3. Notaðu SEO – fínstilltu vefsvæðið þitt fyrir lífrænan vöxt og nýja notendur. SEO tryggir að efnið þitt á netinu raðist ofar á niðurstöðusíðunni. Þetta er ein ódýrasta leiðin til að bæta orðspor þitt og byggja upp viðveru þína á netinu. Fínstillt vefsvæði auðveldar nýjum notendum að finna þig og ganga til liðs við fyrirtækið þitt.
4. Hafðu í huga að notendur þínir verja mun minni tíma í að skoða vefsvæðið þitt en þú heldur kannski. Gakktu úr skugga um að þeir fái allar þær upplýsingar sem þú vilt koma til skila á fyrstu sekúndunum. Notaðu fyrirsögn til að koma aðalatriðinu á framfæri. Notaðu mismunandi leturstærðir til að draga fram mikilvægi ólíkra textabrota.
5. Vertu trúr vörumerkinu og hafðu samræmi milli síðna. Samræmi er skilyrði fyrir öll vefsvæði sem vilja líta út fyrir að vera fagleg. Gakktu úr skugga um að þú byggir upp og eykur vörumerkjavitund; með því að nota lógóið þitt á öllum síðum og halda litasamsetningunni samræmdri virkarðu faglegri og gerir yfirferð um vefsvæðið mun þægilegri.
6. Samræmdu vefhönnunina við markhópinn þinn. Hönnunin þarf einnig að höfða til kj notendahópsins sem þú vilt ná til. Þó að það hjálpi að hafa almenna hugmynd um hverju viðskiptavinir þínir leita að geturðu alltaf gripið til A/B-prófana ef þú ert ekki alveg viss. Vefhönnunin þín ætti að vera samræmd en hún þarf líka að skila árangri.
7. Nýttu autt svæði. Það er mjög auðvelt að fara í hámarkshyggju og yfirhlaða vefsvæðið með myndefni, texta og tíu mismunandi tilboðum. Það hefur neikvæð áhrif á þátttöku á vefsvæðinu þar sem það veldur ruglingi. Það lætur það einnig líta út fyrir að vera svolítið ófaglegt. Autt svæði hjálpar til við að brjóta textann upp og gefur hvaða síðu sem er hreint útlit.

Þessi ráð eru grunnurinn sem þú þarft fyrir vefhönnunina þína. Það er alltaf skynsamlegt að hlusta á markhópinn þinn þegar kemur að fínstillingu vefhönnunarinnar, en ef þú fylgir þessum ráðum þegar þú byggir grunninn að vefsvæðinu þínu ætti allt að ganga vel.